Людміла Савіцкая, svoboda.org
Міністэрства юстыцыі Расіі ўпершыню ўнесла ў спіс замежных СМІ, якія выконваюць функцыі замежнага агента, фізічных асоб. Звесткі апублікаваныя на сайце ведамства.
Так, у спіс уключылі журналістку Людмілу Савіцкую з Пскова і галоўнага рэдактара «Пскоўскай губерні» Дзяніса Камалягіна. Таксама замежным агентам прызналі праваабаронцу Льва Панамарова, які ўзначальвае грамадскую арганізацыю «За правы чалавека».
У рэестры зараз лічацца мастачка-акцыяністка Дар'я Апахончыч і паліттэхнолаг Сяргей Маркелаў. У выніку ў рэестры з'явілася пяць фізічных асоб. Да гэтага сярод «замежных агентаў «былі толькі арганізацыі, у тым ліку «Радыё Свабода», «Голас Амерыкі» і тэлеканал «Настоящее Время».
Каментары