Экс-кандыдат у прэзідэнты Беларусі Святлана Ціханоўская ўзнагароджаная «Прэміяй Свабоды» сейма Літвы. Узнагароджанне адбылося сёння ў Дзень абаронцаў свабоды — дзень памяці ахвяр трагічных падзей 13 студзеня 1991 года, калі пад Віленскай тэлевежай пад савецкімі танкамі загінулі 13 чалавек, піша Delfi.lt
Атрымліваючы прэмію, Ціханоўская згадала і пра загінулую пад савецкімі танкамі Ларэту Асанавічуце. «30 гадоў таму ў гэты дзень да віленскай тэлевежы прыйшла маладая жанчына. Разам з тысячамі іншых літоўцаў яна прыйшла, каб мірна абараняць свабоду сваёй краіны. Праз некалькі гадзін яе раздушыў насмерць савецкі танк. Яе імя, як і імёны іншых 13 герояў, у Літве ніколі не будзе забытае», - сказала С. Ціханоўская.
Па яе словах, як і Л. Асанавічуце, у гэтым годзе з-за будучага сваёй краіны на вуліцы выйшлі і беларусы. «І, на жаль, як Ларэта, некаторыя з іх з-за гэтага мірнага імкнення былі забітыя. Чаму 30 гадоў таму смелыя літоўцы ахвяравалі сабой. І чаму цяпер мільёны беларусаў рызыкуюць сваімі жыццямі? Прычына простая — яны адважыліся дамагацца свабоды», - сказала Ціханоўская.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары