Tut.by канчаткова пазбаўляецца статусу СМІ. Эканамічны суд Мінска адхіліў скаргу
Эканамічны суд Мінска адхіліў скаргу ТАА «Тутбай медыя» на рашэнне пазбавіць Tut.by статусу СМІ. З 19 студзеня яно афіцыйна ўступае ў сілу.
19 студзеня Эканамічны суд Мінска разгледзеў апеляцыю ТАА «Тутбая Медыя», якое было не згодна з рашэннем пазбавіць Tut.by статусу СМІ. Суд разгледзеў скаргу, але не знайшоў падстаў для адмены пастановы. З 19 студзеня 2021 года яно афіцыйна ўступае ў сілу. Tut.by пазбаўляецца статусу СМІ, паведамляе выданне.
З 7 жніўня 2020 года Tut.by атрымаў чатыры папярэджанні па матэрыялах «У сем разоў больш выбаршчыкаў і «таемныя» пратаколы. Якія парушэнні ўбачылі назіральнікі і што сказаў ЦВК?», «Камітэт дзяржкантролю зможа выплаціць буйныя прэміі работнікам, якія праявяць сябе ў рэзанансных справах», «Да рэдактара Tut.by прыйшлі сілавікі. На яе дачку завялі крымінальную справу аб масавых беспарадках» і «Беларуская мытня папрасіла пацвердзіць, што ў «Гары Потэры» няма заклікаў да звяржэння ўлады». Пасля абскарджання Tut.by у Вярхоўным судзе вынесеных папярэджанняў адно з іх было прызнана несапраўдным.
Пазбаўленне выдання статусу СМІ магчыма пасля двух і больш пісьмовых папярэджанняў на працягу аднаго года.
18 верасня Міністэрства інфармацыі звярнулася ў суд з пазовам аб спыненні выпуску сеткавага выдання Tut.by. З 1 кастрычніка загадам міністра інфармацыі Ігара Луцкага дзеянне гэтага статусу для Tut.by прыпынена да 30 снежня 2020 года.
3 снежня Эканамічны суд Мінска прыняў рашэнне пазбавіць Tut.by статусу СМІ. Пасля адхілення скаргі яно афіцыйна ўступіла ў сілу з 19 студзеня.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары