У сотні маленькіх і вялікіх гарадоў Расіі прайшлі мітынгі ў падтрымку Навальнага ФОТА, ВІДЭА
Акцыі ў падтрымку арыштаванага Аляксея Навальнага прайшлі па ўсёй Расіі. Складана ацаніць агульную колькасць удзельнікаў — у розных гарадах яна вагалася ад некалькіх соцень да некалькіх тысяч. Па ацэнках Reuters, у Маскве на вуліцы выйшла каля 40 тысяч чалавек.
Па стане на 19:40 арганізацыя ОВД-інфо паведамляла пра 2131 затрыманага амаль у 100 розных гарадах Расіі. Найбольш затрыманых у Маскве (795), Санкт-Пецярбургу (309) і Новасібірску (95).
Агляднае відэа, як праходзілі мітынгі ў найбуйнейшых гарадах Расіі.
Каля 50 чалавек выйшлі нават у Якуцку, нягледзячы на анамальныя маразы (тэмпература ў горадзе сёння апусцілася да -48):
Самый холодный митинг за Навального прошел, вероятно, в Якутске. Там -48 градусов. На акцию вышли около 50 человек. Люди прошлись от площади Дружбы народов до площади Орджоникидзе. Некоторых задержанных отпустили после беседы. Вот как это выглядело. pic.twitter.com/rOl4RvTOeE
Найбольш жорсткія затрыманні адбыліся ў Маскве, Уладзівастоку, Краснаярску, Екацярынбурзе і Новасібірску. Ужо вядома, што сярод затрыманых як мінімум 18 журналістаў.
Каля 16-й сілавікі сталі адціскаць пратэстоўцаў з Пушкінскай плошчы ў Маскве. Дэманстранты выйшлі на праезную частку Цвярской вуліцы, усе завулкі на падыходзе да вуліцы былі перакрытыя. Частка людзей дайшла да будынка Дзярждумы і Вялікага тэатра.
У Пецярбургу людзі прарвалі ачапленне і выйшлі на Неўскі праспект, часткова перакрыўшы праезную частку.
Галоўныя сённяшнія лозунгі да болю знаёмыя і беларусам: «Свабоду!», «Выпускай», «Мы тут улада», «Адзін за ўсіх і ўсе за аднаго». Многія пратэстоўцы прышлі на акцыі з ёршыкам у руках — гэта адсылка да расследавання Навальнага пра палац у Геленджыку, дзе для адной прыбіральні набылі ёршык для ўнітаза за 700 еўра.
Праз акцыі 23 студзеня ўжо распачатыя дзве крымінальныя справы аб закліках да масавых беспарадкаў — у Новасібірску, Татарстане, Уладзівастоку.
Каментары