Маскоўскі гарадскі суд 2 лютага разглядае хадайніцтва Федэральнай службы выканання пакаранняў аб замене ўмоўнага тэрміну па справе «Іў Рашэ» Аляксею Навальнаму на рэальны
Пасяджэнне па справе Навальнага праходзіць у адкрытым для прэсы рэжыме, нягледзячы на дзейныя ў сталічных судах каранавірусныя абмежаванні: на большасць працэсаў могуць трапіць толькі іх удзельнікі. Пасяджэнне Сіманаўскага суда ідзе ў выязным рэжыме ў будынку Масгарсуда, дзе ёсць вялікая зала і магчымасць правесці трансляцыю ў асобным памяшканні, піша РБК.
У зале суда знаходзяцца жонка Аляксея Навальнага Юлія і ягоныя адвакаты.
Перад пачаткам пасяджэння Навальны звярнуўся да сваёй жонкі: «Кажуць, што ты ўвесь час парушаеш грамадскі парадак. Дрэнная дзяўчынка, ганаруся табой», — кажа палітык, маючы на ўвазе, па ўсёй бачнасці, затрыманні Юліі Навальнай на няўзгодненых акцыях пратэсту ў Маскве.
Сёння каля суда затрымалі больш за 20 чалавек.
Навальны вярнуўся ў Расію 17 студзеня з Нямеччыны, дзе праходзіў лячэнне ад атручвання ядам групы «Навічок». Адразу па прылёце ён быў затрыманы.
Цяпер чытаюць
Вось як выглядае з космасу асвятленне Мінска ў параўнанні з суседнімі сталіцамі ФОТАФАКТ12
Каментары