У Пушкінскай бібліятэцы адбылася прэзентацыя рамана Уладзіміра Караткевіча «Каласы пад сярпом тваім» у аўдыё-фармаце. Гаваркая кніга складаецца з двух дыскаў, кожны — блізу 20 гадзін гучання.
У Пушкінскай бібліятэцы адбылася прэзентацыя рамана Уладзіміра Караткевіча «Каласы пад сярпом тваім» у аўдыё-фармаце. Гаваркая кніга складаецца з двух дыскаў, кожны — блізу 20 гадзін гучання.
Тэкст раману чытае Андрэй Каляда, колішні загадчык кафедры сцэнічнай мовы Беларускай акадэміі мастацтваў.
Сяргей Харэўскі, мастацтвазнаўца, лічыць, што за цяперашнім светам патрэба ў аўдыёкнігах пільная. «Мы зрабіліся мабільнымі. Ды чаму б не ўзяць у дарогу Караткевіча? Гэта якраз той аўтар з якім цікава і прыемна прабавіць аднастайнае падарожжа», — кажа ён.
У кампаніі «БелТонМедыя», што выдала кружэлку, даводзяць, што дзякуючы падобным дыскам, моладзь, жывучы ў амаль татальных рускамоўі, атрымае мажлівасць пачуць, як гучыць беларуская мова. Хаця як прызнаюцца самі вытворцы, раз-пораз моладзь купляе беларускія аўдыёкнігі з іншых прычынаў. Распавядае Алесь Калоша, дырэктар «БелТонМедыя»: «Адразу пасля выхаду дыску да нас пазваніла маладая асоба з пытаннем, дзе можна набыць кружэлку. Я адказаў, што дыск будзе на днях у краме «Акадэмкніга». Роўна праз дзень дзяўчына тэлефануе яшчэ раз і мала не з плачам у голасе паведамляе, што ў той кнігарні няма. Тэлефонныя нараканні працягвалася некалькі дзён, а я ўсё не мог даўмецца, чаму такая цікавасць да кнігі. Нарэшце дзяўчына патэлефанавала ў чарговы раз і пачала голасна ўшчуваць: «Вы што не разумееце, што ў мяне хутка экзамен?!»
Кампанія «БелТонМедыя» супольна з тэатральным рэжысёрам Валерам Мазынскім, мастацкім кіраўніком праекта, ужо выдалі каля 30 дыскаў, сярод якіх айчынныя і замежныя творы Коласа, Арлова, Оруэла… У найбліжэйшых планах: казка «Маленькі Прынц» Антуана дэ Сэнт-Экзюперы, а таксама гістарычны дэтэктыў Караткевіча «Чорны замак Альшанскі».
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?3
Каментары