Прэзідэнт Туркменістана насварыўся на міністра за адсутнасць спектакляў пра шчасце
Гурбангулы Бердымухамедаў публічна насварыўся на міністра культуры Атагелдзі Шамырадава за адсутнасць у краіне спектакляў пра «народнае шчасце» і агульны заняпад тэатральнай сферы. Аб гэтым піша ўрадавая газета «Нейтральны Туркменістан»
Паводле яго слоў, прычына стагнацыі ў культурнай сферы краіны — дрэнная арганізацыя працы дзіцячых школ мастацтваў і мастацкіх устаноў. Ён даручыў міністру перагледзець усе навучальныя планы і скласці новыя. «Мы адсвяткавалі 25-гадовы юбілей пастаяннага нейтралітэту нашай дзяржавы, аднак не было арганізавана якіх-небудзь прыкметных культурных мерапрыемстваў», — сказаў Бердымухамедаў.
Прэзідэнт падкрэсліў, што тэатры і іншыя культурныя ўстановы краіны перасталі апяваць у сваіх творах поспехі дзяржавы і ставіць кароткія сцэнічныя п'есы. Ён дадаў, што з прычыны гэтага ў краіне знізіўся агульны ўзровень тэатральнай рэжысуры і «мастацкасці твораў».
У міліцэйскім конкурсе прыгажосці перамагла амапаўка, якая ў 2020 годе разганяла пратэсты48
Каментары