У Беларусі прапануюць распрацаваць дзяржаўную праграму патрыятычнага выхавання насельніцтва. Пра гэта паведаміў намеснік начальніка Генеральнага штаба Узброеных Сіл — начальнік галоўнага аператыўнага ўпраўлення Генштаба УС генерал-маёр Павел Муравейка, выступаючы на Усебеларускім народным сходзе.
Падзеі мінулага года праверылі на трываласць Ваенную дактрыну Беларусі, падкрэсліў ён. «Закладзеныя ў яе аснову падыходы па лакалізацыі ваенных пагроз, што выкліканыя каляровымі рэвалюцыямі, дазволілі не дапусціць грамадзянскай вайны ў краіне. Наш народ са сваімі сынамі ў пагонах абараніў Беларусь. Разам з тым стала відавочна, што некаторыя ўнутраныя фактары ў дактрынальнай дакуменце недаацэненыя. Гаворка ідзе аб зніжэнні ў грамадстве ўзроўню патрыятызму», — звярнуў увагу намеснік начальніка Генштаба УС.
Ён адзначыў, што Беларусь убудаваная ў сусветную эканамічную сістэму, адкрытыя рынкі і межы спрыяюць руху працоўных рэсурсаў. «Мы з вамі становімся сведкамі таго, як касмапалітычныя погляды ўкараняюцца ў свядомасць беларусаў. Лічачы сябе людзьмі свету, частка нашых суайчыннікаў гатовыя стаць людзьмі без Радзімы, адмовіцца ад яе абароны, з'ехаць за мяжу і парваць сувязь з роднай зямлёй», — заявіў Павел Муравейка.
Цяпер чытаюць
Як купіць кватэру ў Мінску, калі няма каму дапамагчы? Задаецца пытаннем беларус, які адкладае па $1000 у месяц і ўсё адно ў адчаі17
Каментары