Першая ракетка свету Новак Джокавіч у фінале Australian Open абыграў чэмпіёна выніковага турніру ATP Данііла Мядзведзева 7:5, 6:2, 6:2. Такім чынам ён выйграў 18-ы тытул «Вялікага шлема» і дзявяты — у Аўстраліі.
Australian Open, facebook.com
33-гадовы серб стаў другім пасля Рафаэля Надаля тэнісістам, які перамагаў на адным «Шлеме» дзевяць разоў (іспанец — 13-разовы чэмпіён «Ралан Гарос»). Ён выйграў чарговы Australian Open праз 13 гадоў пасля першага, ні разу не прайграўшы на турніры пасля паўфіналу.
Па агульнай колькасці «шлемаў» Джокавіч скараціў да двух адставанне ад рэкардсменаў Роджэра Федэрэра і Рафаэля Надаля.
Каментары