На Алімпійскім сходзе ў Мінску сёння быў абраны новы склад Выканкама Нацыянальнага алімпійскага камітэта. Супраць ранейшага былі ўведзеныя санкцыі МАК, паведамляе Tut.by.
У склад увайшлі і некаторыя сябры ранейшага выканкама. Гэта абраны прэзідэнтам НАК Віктар Лукашэнка, віцэ-прэзідэнт Дзмітрый Даўгалёнак, а таксама члены выканкама — Любоў Чаркашына і Дзмітрый Баскаў, супраць якога таксама вядзецца незалежнае расследаванне IIHF.
Членамі выканкама НАК больш не з'яўляюцца Аляксандр Лукашэнка, Валянцін Баравок, Аляксандр Пяткевіч, Дзмітрый Піневіч, Сяргей Рэпкін, Арцём Цуран, Алег Шэпель, Антон Юспа і Таццяна Драздоўская. Раней МАК забараніў ім усім, акрамя Драздоўскай, наведваць Алімпійскія гульні.
У новы склад выканкама акрамя Віктара Лукашэнкі, Дзмітрыя Баскава, Любові Чаркашынай і Дзмітрыя Даўгалёнка ўвайшлі:
Андрэй Барбашынскі (алімпійскі чэмпіён па гандболе, Барселона-1992);
Аляксандр Багдановіч (алімпійскі чэмпіён па веславанні на байдарках і каноэ, Пекін-2008);
Аляксандр Бут-Гусаім (генеральны дырэктар Нацыянальнага алімпійскага стадыёна «Дынама»);
Алена Зубрылава (чатырохразовая чэмпіёнка свету па біятлоне);
Ірына Маляваная (дырэктар РНПЦ спорту);
Дзяніс Мужухін (дырэктар Нацыянальнага антыдопінгавага агенцтва);
Наталля Цылінская (старшыня Беларускай федэрацыі веласіпеднага спорту, бронзавы прызёр па веласпорце, Афіны-2004).
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец14
Каментары