У ЕС з 15 чэрвеня ўвядуць пашпарты вакцынацыі, каб «вярнуць нармальнае жыццё»
Адзіны для грамадзян усіх 27 краін Еўрапейскага Саюза сертыфікат здароўя будзе даступны з 15 чэрвеня. Дакумент будзе ўтрымліваць інфармацыю аб вакцынацыі ад COVID-19. Пра гэта заявіў еўракамісар, які адказвае за вакцынацыю, Цьеры Брэтон у эфіры тэлеканала LCI.
Як адзначыў Брэтон, сертыфікат можна спампаваць на смартфон або раздрукаваць у папяровым выглядзе. «Ён не будзе абавязковым, але авіякампаніі могуць яго патрабаваць», — сказаў чыноўнік.
Паводле яго слоў, дакумент з QR-кодам будзе ўтрымліваць прозвішча ўладальніка, дату нараджэння, нумар пашпарта, а таксама звесткі аб тым, ці прайшоў ён вакцынацыю і якім прэпаратам, а таксама хварэў ён ці не.
Гэты сертыфікат будзе ўзгоднены паміж дзяржавамі-сябрамі, еўрапейскія грамадзяне, якія захочуць яго атрымаць, павінны будуць падаць запыт на яго ў сваёй краіне.
Яго мэта — «аднавіць рух, вярнуць нармальнае жыццё» і «здольнасць рухацца без рызыкі для сябе ці іншых», — сказаў Брэтон.
Нагадаем, у канцы лютага лідары краін Еўрапейскага Саюза дамовіліся аб неабходнасці ўвядзення сертыфікатаў аб вакцынацыі. Яны будуць уведзеныя на працягу трох месяцаў, хаця ў СААЗ заклікалі краіны не ўводзіць так званыя «COVID-пашпарты». Аднак, калі ў далейшым сітуацыя з даступнасцю і бяспекай вакцын зменіцца, такія дакументы могуць спатрэбіцца, лічаць у арганізацыі.
-
«Мануэла Лукашэнка». У Германіі кіраўніцу рэгіёна абразілі параўнаннем з беларускім дыктатарам
-
ЗША выпадкова дэпартавалі мексіканца, якога падазраюць у найбуйнейшым рабаванні каштоўнасцей у гісторыі краіны
-
У «Доме вольнай Беларусі» ў Львове ўшанавалі памяць Міхаіла Жызнеўскага. Там цяпер захоўваецца і помнік герою
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі19
Каментары