Супраць фатографа Сяргея Гапона, які ладзіў Масленіцу ў Крэве, спынілі адміністрацыйны працэс
Жыхару Крэва фатографу Сяргею Гапону даслалі ліст, што ў дачыненні да яго вынесеная пастанова аб спыненні справы аб адміністрацыйным правапарушэнні. У сакавіку ён зладзіў для мясцовых жыхароў і мінчукоў свята Масленіцы, на якое ў выніку зазірнула і міліцыя, піша Tut.by.
Рашэнне Смаргонскі РАУС патлумачыў тым, што ў дзеяннях Гапона адсутнічае склад адміністрацыйнага правапарушэння, прадугледжанага ч. 2 арт. 24.23 КаАП Рэспублікі Беларусь. Ліст датаваны 26 сакавіка, але жыхар Крэва атрымаў яго толькі ўчора (фота дакумента ёсць у рэдакцыі).
Нагадаем, 14 сакавіка Сяргей Гапон запрасіў беларусаў святкаваць Масленіцу на Юр'еву гару, частка якой з'яўляецца дваром фатографа. Прыязджала ў тым ліку Вольга Хіжынкова. На свяце таксама з'явілася міліцыя:
— Дзесьці за гадзіну да пачатку патэлефанаваў участковы і папярэдзіў, што праз нейкі час прыедзе разам са смаргонскай міліцыяй, — успамінаў тое, што адбываецца 14 сакавіка Сяргей. — Па прыездзе папрасілі выйсці да іх, каб не турбаваць сваёй прысутнасцю гасцей. Супрацоўнік са Смаргоні сказаў, што бачыць ва ўсім парушэнне закона «Аб масавых мерапрыемствах», і ўручыў позву для дачы пісьмовых тлумачэнняў. [15 сакавіка] пытанні задавалі простыя: дзе, што, у колькі. Асаблівая ўвага надавалася, якім чынам запрашаў гасцей, ці адкрыты ў мяне профіль у Facebook, хто мог бачыць публікацыі.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары