На адміністратарку жодзінскага чата завялі крымінальную справу. У яе дома засталося паўтарагадовае дзіця
Мадэратарку чата «Жодзіна для жыцця» Лідзію Коршун забрала міліцыя яшчэ 27 сакавіка. Дома ў жанчыны засталося паўтарагадовае дзіця, паведамляе spring96.org.
«Краіна для жыцця» піша, што ў дачыненні да дзяўчыны распачатая крымінальная справа ч. 1 арт. 342 КК (Арганізацыя або актыўны ўдзел у групавых дзеяннях, якія груба парушаюць грамадскі парадак).
«Мы да гэтага не ведаем дакладна, дзе яна знаходзіцца. Па непацверджаных звестках, утрымліваецца на ІЧУ Жодзіна»,—пішуць у тэлеграм чаце.
Паводле інфармацыі прэс-службы УУС Мінскага аблвыканкама, дзяўчыну вылічылі супрацоўнікі Жодзінскага ГАУС і УУС Мінскага аблвыканкама «падчас мерапрыемстваў па недапушчэнні дэстабілізацыі грамадска-палітычнага становішча ў краіне».
Сцвярджаецца, што яна нібыта каардынавала «дваровы пратэставы рух у горадзе, заклікала да актыўных дзеянняў, пры гэтым сама заўсёды заставалася дома». Па паведамленні УУС, яна таксама публікавала абразы на адрас міліцыянтаў у чаце групы «Карнікі».
На відэазапісе дзяўчына кажа, што была мадэратаркай чата «Жодзіна для жыцця». Паводле яе слоў, у абавязкі ўваходзіла выдаленне паведамленняў радыкальнага характару і карыстальнікаў за некарэктныя выказванні. Дзяўчына сцвярджае, што заклікі і абразы не ўваходзілі ў яе абавязкі і яна супраць гэтага.
-
Пісаў у чатах па-беларуску і сам рамантаваў сваё аўто. Кіраўніка інавацый IT-кампаніі 4RM Systems кінулі за краты за палітыку
-
Лукашэнка сёння асабіста правярае боегатоўнасць Узброеных сіл
-
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя
Каментары