Магчыма, калі адступіць каранавірус і адкрыюцца межы, гэтым скарыстаюцца і беларусы.
Ірландская лаўкост-кампанія Ryanair інвестуе 165,65 мільёнаў еўра ў стварэнне ў Рыжскім аэрапорце базы для двух самалётаў. Дзякуючы гэтаму Ryanair зможа адкрыць са сталіцы Латвіі паўтара дзясяткаў прамых маршрутаў, паведамляе Delfi.lv.
У выніку з міжнароднага аэрапорта Рыга самалёты будуць выконваць 95 палётаў у тыдзень па 30 маршрутах, уключаючы 16 новых маршрутаў з кастрычніка.
З кастрычніка Ryanair пачне выконваць з Рыгі рэйсы па наступных новых маршрутах: пяць рэйсаў у тыдзень — у Варшаву (Польшча), чатыры рэйсы ў тыдзень — у Сандэф'ёрд (Нарвегія), тры рэйсы ў тыдзень — у Орхус (Данія), Будапешт (Венгрыя), Гётэборг (Швецыя), Рым (Італія), два рэйсы ў тыдзень — у Брысталь (Вялікабрытанія), Кракаў (Польшча), Кіеў і Львоў (Украіна), Малагу (Іспанія), Франкфурт, Мемінген (Германія), Палерму, Венецыю (Італія), Парыж (Францыя).
Нагадаем, што з літоўскіх Вільні і Каўнаса Ryanair лётае ў дзясяткі гарадоў Еўропы, у тым ліку ў Алікантэ, Барселону, Пальма-дэ-Маёрку, Капенгаген, Дублін, Шэнан, Лондан, Мілан, Рым, Рыміні, Неапаль, Афіны, а таксама на Корфу, Родас і ў Пафас (Кіпр).
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы21
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары