Ад 12 красавіка старшыня Партыі БНФ Рыгор Кастусёў знаходзіцца ў СІЗА КДБ.
Яго абвінавачваюць у змове з мэтай захопу дзяржаўнай улады. Кастусёву пагражае ад 8 да 12 гадоў зняволення.
У той самы час паўстае пытанне, хто будзе кіраваць арганізацыяй, калі яе кіраўнік знаходзіцца ў няволі. Як стала вядома «НН» з некалькіх крыніц, у маі сойм партыі абярэ выканаўцу абавязкаў старшыні з ліку намеснікаў Кастусёва.
Найхутчэй, што кіраўніком стане 41-гадовы гарадзенец Вадзім Саранчукоў. З адукацыі Вадзім правазнаўца, скончыў юрыдычны факультэт Гродзенскага ўніверсітэта. На гэты момант працуе рамеснікам.
У грамадскім жыцці Вадзім бярэ ўдзел з 1998 года. Быў актывістам «Маладога фронту». У 2002 годзе нават вылучаўся на старшыню арганізацыі, але прайграў выбары Паўлу Севярынцу. Ад 2017 года з’яўляецца намеснікам старшыні Партыі БНФ. Жанаты, мае траіх дзяцей.
Цяпер чытаюць
У Магілёве адбылося шэсце да месца масавых рэпрэсій 1930‑х — з іконай расійскага цара і імперскім трыкалорам9
У Магілёве адбылося шэсце да месца масавых рэпрэсій 1930‑х — з іконай расійскага цара і імперскім трыкалорам
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары