Існуючыя даныя не даюць магчымасці пацвердзіць эфектыўнасць харчовых дадаткаў для пахудання. Пра гэта сведчыць першы за 16 гадоў маштабны аналіз прадуктаў такога тыпу, прэзентаваны на Еўрапейскім кангрэсе па атлусценні.
Падчас даследавання аўстралійскія навукоўцы прааналізавалі 54 рандамізаваныя выпрабаванні за перыяд да жніўня 2018 года, у якіх параўноўвалася эфектыўнасць раслінных дадаткаў і плацэба ці прэпаратаў, якія традыцыйна ўжываюць для пахудання. Клінічна значнай лічылася страта як мінімум 2,5 кілаграма вагі. Што датычыць саміх дадаткаў, як піша ВВС, даследчыкі вывучалі ўплыў на пахудзенне зялёнай гарбаты, гарцыніі камбаджыйскай, мангастана, белай фасолі, эфедры, афрыканскага манга, гарбаты матэ, цысуса чатырохвугольнага, лакрыцы і ўсходнеіндыйскага дзядоўніка.
Высветлілася, што толькі адзін з гэтых дадаткаў — белая фасоля — выклікаў большую страту вагі, чым плацэба. Розніца склала 1,61 кілаграм. Некаторыя з дадаткаў, ужытыя разам, паказалі перспектыўныя рэзультаты, але пры гэтым колькасць выпрабаванняў была занадта малай, а іх правядзенне не адпавядала навуковым стандартам.
Даследчыкі таксама прааналізавалі 67 рандамізаваныя выпрабаванні біялагічна актыўных дадаткаў для пахудання, зробленыя да снежня 2019 года. Пад увагу трапілі хітазан, глюкаманан, фруктаны і кан’югаваная лінолевая кіслата. Усе дадаткі, акрамя фруктанаў, паказалі невялікую (да 2 кілаграмаў) перавагу ў эфектыўнасці ў параўнанні з плацэба.
Галоўная аўтарка даследавання, супрацоўніца Сіднэйскага ўніверсітэта Эрыка Бэсэл (Erica Bessell), звяртае ўвагу на тое, як мала мы ведаем пра харчовыя дадаткі для пахудання. Такія прэпараты ў апошні час зрабіліся вельмі папулярнымі, але якасных даследаванняў іх эфектыўнасці яшчэ не праводзілася.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары