Сям’я ў Іспаніі амаль чатыры гады не выходзіла з дому, баючыся кавіду
У іспанскім горадзе Аўеда паліцыя выявіла надзвычайны выпадак хатняй ізаляцыі: 53-гадовы немец Крысціян трымаў сваю жонку і двух непаўналетніх дзяцей, 8 і 10 гадоў, закрытымі ў доме амаль чатыры гады, апраўдваючы гэта аховай ад свету пасля кавіду.
Сям’я жыла ў арандаваным доме ў сельскай мясцовасці на ўскрайку Аўедо. Сям’я пераехала туды ў снежні 2021 года, і з таго часу дзеці не наведвалі школу і не мелі кантакту з навакольным светам.
Суседзі нават не ведалі, што дом заселены.
Паліцыя пачала расследаванне пасля таго, як адна з суседак заўважыла дзяцей у акне і паведаміла пра гэта ўладам. Дзверы ў дом адчыняліся толькі для атрымання пакетаў з прадуктамі, якія дастаўлялі кур’еры. Гэта выклікала падазрэнні, і паліцыя атрымала ордар на агляд дома.
Падчас агляду 28 красавіка 2025 года ў доме былі знойдзены двое дзяцей ва ўзросце 8 і 10 гадоў, якія насілі па тры маскі і падгузнікі. Маці сцвярджала, што гэта «для прафілактыкі».
Дзеці былі ў стане занядбанасці, зношаная вопратка і абутак. Яны былі пазбаўлены кантакту з іншымі людзьмі, не наведвалі школу і нават не выходзілі ў сад.
Бацькі працягвалі жорсткую ізаляцыю, нават калі ўсе каранцінныя меры ў Іспаніі ўжо даўно былі зняты. Бацька выходзіў толькі да варот, заўсёды ў масцы, каб забраць ежу і пошту.
Сям’я не была зарэгістравана ў мясцовых уладах: толькі Крысціян меў афіцыйны статус у Іспаніі, у той час як жонка і дзеці не мелі ніякіх дакументаў.
Дзеці былі перададзены пад апеку сацыяльных службаў, а бацькі былі арыштаваны і чакаюць судовага разгляду па абвінавачваннях у жорсткім абыходжанні з дзецьмі і незаконным утрыманні іх у ізаляцыі.
-
У Эфіопіі пасля некалькіх гадоў перапынку зноў разгараецца поўнамаштабная грамадзянская вайна. Можа дэстабілізавацца і ўвесь рэгіён
-
Швейцарскія ледавікі растаюць, за мінулы год страчаная рэкордная колькасць лёду. Чым гэта пагражае?
-
Украінца пакаралі ўмоўным тэрмінам за перадачу Беларусі праграмы для вайсковага авіяцыйнага трэнажора
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту52
Каментары