Памятаеце віцебскага турэмнага блогера, якога чарговы раз адправілі за краты? Яму пашанцавала з апеляцыяй
Блогер Віктар Еўшыкаў змог раскруціцца на тым, што распавядаў пра свой шасцігадовы досвед жыцця за кратамі. У студзені 2025 года яго зноў асудзілі. Але цяпер жонка Віктара падзялілася з падпісчыкамі шчаслівай навіной: пададзеная апеляцыя спрацавала.
Віктар Еўшыкаў адматаў не менш за 6 гадоў у беларускіх калоніях (ва ўзросце 18 да 25 гадоў). У адным з відэа мужчына тлумачыў, што ён — не грамадзянін Беларусі, а асоба без грамадзянства, але мае ў Беларускі дазвол на жыхарства.
Пакаранне ў яго было па артыкуле аб распаўсюдзе наркотыкаў. Пасля вызвалення ён пасяліўся ў Віцебску. Паколькі маладосць мужчыны прыйшлася на турэмны перыяд, ён добра засвоіў побыт за кратамі і стаў расказваць пра яго ў сацсетках.
Цяпер на акаўнт Еўшыкава ў тыктоку падпісана больш за 45 тысяч чалавек, у інстаграме — больш за 18 тысяч. Каля 3 тысяч падпісчыкаў мае яго канал у тэлеграме і каля 2 тысяч канал на YouTube. Але часова ўсе сацыяльныя сеткі блогера вядзе яго жонка, бо Віктар зноў трапіў за краты.
У лютым 2025 года віцебскі суд прысудзіў Віктару два з паловай гады калоніі (пракурор прасіў на год больш). Дакладны артыкул, па якім судзілі блогера, невядомы, але раней ён распавядаў пра тое, чаму яго затрымалі ў жніўні 2024 года. Па словах мужчыны, адзін з суседзяў патэлефанаваў у міліцыю і паскардзіўся, што ў кватэры зверху наркатычны прытон. У іншым відэа Віктар дадаў, што непрыемная сітуацыя адбылася праз марыхуану.
Жонка блогера распавяла падпісчыкам, што 2 мая разгледзелі апеляцыю Віктара, і ў выніку зменшылі тэрмін на паўгода.
— А хто не верыў, казаў, што дададуць… Мазгоў вам няхай дададуць, людзі… Мы трапілі пад гэты мінімальны працэнт, калі змяншаюць тэрмін. Значыць, лёс на нашым баку!
Невядома, ці паспеў блогер пагасіць судзімасць за папярэднія турэмныя прыгоды. Калі яна скончылася, то яго, хутчэй за ўсё, будзе чакаць яшчэ і амністыя на год. Сёлета яна распаўсюджваецца і на наркатычныя тэрміны — але не для рэцыдывістаў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?15
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары