Лукашэнка на рынку падышоў да пакупнікоў — адзін з іх аказаўся вядомым мільянерам
Аляксандр Лукашэнка сёння наведваў фермерскі рынак у Валяр'янава. Там ён правёў паўтары гадзіны. Акрамя таго, што абмяркоўваў пытанні кантролю за рынкам, таксама ён купляў спецыі для плову і падыходзіў да пакупнікоў. «Прэзідэнт на рынку сустрэў суседа», — напісаў тэлеграм-канал «Пул першага» і апублікаваў кароткае відэа. «Суседам» аказаўся вядомы мільянер Мікалай Бурнос, піша Onliner.by.
— Добры дзень! — Лукашэнка кіўнуў аднаму з пакупнікоў.
— Вітаю! — адказаў мужчына.
— Што вы купілі?
— Ды я ўсё набраў. Арэхі, — ахвотна паказаў змесціва пакета пакупнік.
— А гэта рыба?
— Рыба, мяса.
— Свініна? Шашлык будзе. А дзе жывеш? — спытаў Лукашэнка.
— Аляксандр Рыгоравіч, вёска Клетнае, Белавежская пушча.
— А-а-а, ну зразумела, сусед, значыць.
Ураджэнец вёскі Клетнае Мікалай Бурнос — вядомы піцерскі бізнэсовец, уладальнік ААТ «Палімербудматэрыялы». Мінчукам гэта прозвішча знаёма па сумнавядомым доме-даўгабудзе ў «Лебядзіным». У 2011 годзе Бурнос выступіў інвестарам гасцінічна-жылога комплексу насупраць «Мінск-Арэны», меў намер укласці ў будоўлю $120 млн. Затым нешта пайшло не так, і праз пару гадоў выйшаў з праекта, перадаўшы яго іншаму забудоўшчыку.
Але больш за ўсё Бурнос праславіўся тым, што вырашыў выратаваць ад вымірання сваю малую радзіму. Тую самую вёску Клетнае, што недалёка ад Белавежскай пушчы. Бурнос уклаў у родную вёску каля $20 млн. Побач з бацькоўскім домам пабудаваў двухпавярховы катэдж з мансардай. Выкапаў і зарыбіў вадаём, адкрыў спартыўны цэнтр, турыстычны комплекс з гасцявымі домікамі, рэстаранам і лазняй, завёў сучасныя стайні. Стараннямі Бурноса ў Клетным з'явіліся прыродны газ, тэлефонная лінія, водаправод, каналізацыя і тратуарная плітка.
Цяпер чытаюць
Вядучы СТБ Раман Пратасевіч пабраўся шлюбам трэцім разам51
Вядучы СТБ Раман Пратасевіч пабраўся шлюбам трэцім разам
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю44
Каментары