У нядзелю стане вядома, хто з беларускіх фрыстайлістаў трапіць на Алімпіяду
Спіс ліцэнзіятаў фарміруецца па выніках этапаў Кубка свету, апошні з якіх павінен быў адбыцца ў Дзір-Вэлі 16—18 студзеня. Аднак з-за ўмоў надвор’я ў Солт-Лейк-Сіці ён быў перанесены ў Лейк-Плэсід.
У Лейк-Плэсідзе акрабаты павінны былі спаборнічаць 11 студзеня. І гэтыя спаборніцтвы адбудуцца згодна з раскладам. Проста этап, так бы мовіць, атрымаецца здвоеным. Бо 12‑га фрыстайлісты зноў выйдуць на старт у межах этапу, які першапачаткова быў запланаваны ў Дзір-Вэлі, піша «Спорт Беларусі».
Такім чынам, ужо зусім хутка стане вядома, у якім складзе і хто менавіта з беларускай зборнай па фрыстайле адправіцца на Алімпіяду ў Мілан.
Пасля поўнамаштабнага ўварвання Расіі ва Украіне ў лютым 2022 года расійскія і беларускія спартоўцы ў шэрагу відаў спорту (хакей, біятлон, фрыстайл) адхіленыя ад міжнародных спаборніцтваў, і спачатку здавалася, што беларусы збольшага прапусцяць Зімовую Алімпіяду.
Але ў снежні шасцёра беларускіх і трое расійскіх спартоўцаў атрымалі статус нейтральных удзельнікаў, такі дазвол дала Міжнародная федэрацыя лыжнага спорту.
Пачынаючы з 1998 года беларускія фрыстайлісты прыводзіць з Зімовых Алімпіядаў медалі — усяго восем, у тым ліку чатыры залатыя.
На апошняй Алімпіядзе ў Пекіне ў 2022 года срэбра ўзяла Ганна Гуськова, у 2018‑м яны выйграла золата, а на Аліміядзе ў 2014 годзе золата выйгралі Антон Кушнір і Ала Цупер.
Зімовыя Алімпійскія гульні пройдуць у італьянскіх Мілане і Карціне д'Ампецы з 6 па 22 лютага.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі8
Каментары