Міністэрства замежных спраў Латвіі заклікае жыхароў устрымацца ад няважных паездак у Беларусь. Пра гэта ў чацвер паведаміў прэс-сакратар МЗС Яніс Бекерыс.
«Беручы пад увагу сітуацыю з бяспекай, асабліва заклікаем ацаніць неабходнасць паездак у Беларусь. Акрамя таго, строгія правілы міграцыі зрабілі яшчэ больш жорсткімі. Яны могуць закрануць і нашых падданых, і беларусаў,якія маюць пастаянны дазвол на жыхарства ў Латвіі», — сказаў ён у інтэрв'ю Латвійскаму тэлебачанню, піша ТАСС.
«Цяперашні парадак прадугледжвае, што з Беларусі змогуць выехаць тыя людзі, якія маюць дазвол на доўгатэрміновае пражыванне ў іншай краіне, але не часцей, чым раз на паўгода. Таму МЗС абнавіў папярэджанне для падарожнікаў, з нормамі можна азнаёміцца на нашай хатняй старонцы», — дадаў ён.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары