Мінскія ўлады: Новая бальніца каштавала б 1 мільярд рублёў, такога мы сабе дазволіць не можам
Новых бальніц у сталіцы ў найбліжэйшы час не з'явіцца. Пра гэта, як перадае карэспандэнт агенцтва «Мінск-Навіны», паведаміў сёння падчас сустрэчы з працоўным калектывам 4-й гарадской клінічнай бальніцы імя Саўчанкі віцэ-мэр сталіцы Арцём Цуран.
Цуран адзначыў, што летась актыўна абмяркоўвалася будаўніцтва новага стацыянара ў сталіцы. Справа ў тым, што 10-я бальніца была ўведзена ў эксплуатацыю каля 30 гадоў таму, з той пары дадатковых падобных устаноў аховы здароўя ў Мінску не з'яўлялася. А вось насельніцтва горада вырасла прыкметна — з 1,5 млн больш чым да 2 млн чалавек.
— Узвесці новую бальніцу — гэта не проста пабудаваць будынак, але і абсталяваць яго. Неабходна, каб ён быў максімальна функцыянальным. Па нашых разліках, выдаткі на будаўніцтва бальніцы дасягнуць сумы 1 млрд рублёў. Гэта прыкладна пятая частка гадавога бюджэту сталіцы. Такое мы дазволіць сабе проста не можам, — рэзюмаваў Цуран.
Ён таксама акцэнтаваў увагу на кадравым пытанні.
— Створаная з нуля бальніца запатрабуе некалькіх сотняў спецыялістаў медыцынскага профілю. Яшчэ да іх трэба дадаць колькасць абслуговага персаналу. Такім чынам, агульная колькасць работнікаў дасягне прыкладна тысячы чалавек. А дэфіцыту вакансій у Мінску цяпер няма.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс14
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары