Рамана Пратасевіча і Соф'ю Сапега, затрыманых 23 мая ў Мінску ў выніку пасадкі самалёта Ryanair Афіны — Вільня, перавялі пад хатні арышт.
Пра гэта паведамляе BBC са спасылкай на бацькоў.
Пра перавод Рамана паведаміў Бі-бі-сі яго бацька Дзмітрый.
Бацькі сына яшчэ не бачылі, журналіст, як і Соф'я, знаходзіцца ў здымнай кватэры.
«Мне складана каментаваць дзеянні ўладаў, якія ў іх мэты, — сказаў Дзмітрый. — Яны ўсё роўна пад поўным кантролем уладаў, абвінавачванні з іх ніхто не зняў».
Па словах Дзмітрыя Пратасевіча, адвакаты і ўлады па-ранейшаму нічога не паведамляюць сям'і. «Нам нічога не кажуць пра стан Ромы, статус, гэта проста здзек», — сказаў ён.
Адвакат Соф'і Сапега Антон Гашынскі ў эфіры тэлеканала «Дождь» пацвердзіў інфармацыю аб тым, што дзяўчыну перавялі пад хатні арышт.
Паводле яго слоў, у дзяўчыны ёсць магчымасць сустракацца з бацькамі — напярэдадні яны абедалі ў рэстаране.
Гашынскі звязаў перавод з СІЗА пад хатні арышт з сустрэчай Лукашэнкі і Пуціна: «Дзякуючы гэтаму і далейшы лёс Соф'і будзе пэўным і станоўчым. Думаю, яна апынецца дома », — паведаміў Гашынскі.
Пасольства Расіі ў Беларусі таксама пацвердзіла, што расіянку перавялі пад хатні арышт.
-
Стала вядома, якога святара-стараабрадца затрымалі ў Пастаўскім раёне
-
Хлопец з-пад Шаркаўшчыны пакінуў у спакоі сантэхніку — якую раней метадычна краў, — пайшоў у аўтаматчыкі і ўрэшце згінуў пад Купянскам
-
Грамадзяніну Літвы, што ладзіў у Пастаўскім раёне стараверскія богаслужэнні, пагражае дэпартацыя
Каментары