У Мінску пасля зімы не прачнулася анамальная колькасць дрэваў (2000 супраць 200 летась): дарожнікі «перасалілі» вуліцы
Сёлета ў Мінску засохла нямала дрэў. З чым гэта можа быць звязана, высветліла карэспандэнтка агенцтва «Мінск-Навіны».
Не ўсе зялёныя насаджэнні ў сталіцы прачнуліся пасля зімовай спячкі, гэта кідаецца ў вочы. Сярод засохлых адзінак не толькі маладыя пасадкі, але і дарослыя дрэвы. Памерлыя расліны абследуюць спецыяльна створаныя ў раёнах горада камісіі. Калі падазрэнні аб гібелі пацвярджаюцца, то прымаецца рашэнне аб выдаленні такіх насаджэнняў.
На тэрыторыях, якія абслугоўвае «Мінскзелянбуд», сёлета налічылі больш за 2 тысячы засохлых дрэў, у той час як у 2020-м не перазімавалі менш за 200 насаджэнняў. У чым прычына? Марозная зіма? Спецыялісты лічаць, што праблема не ў нізкіх тэмпературах.
— Халады страшныя для экзатычных дрэў, а не для звыклых да нашага клімату, — тлумачыць кіраўнік службы па добраўпарадкаванні і ўтрыманні аб'ектаў зялёнай гаспадаркі «Мінскзялёнбуда» Анжаліка Пузанкова.
Аднак надвор'е ўсё ж мае дачыненне да таго, што адбываецца. Снежная і марозная зіма прымусіла дарожнікаў інтэнсіўна апрацоўваць вуліцы супрацьгалалёднымі рэагентамі, багацце якіх і прывяло, на думку суразмоўніцы, да такіх наступстваў для раслін. Прычым некаторыя з іх яшчэ спрабавалі зазелянець, але, толкам не распусціўшыся, пупышкі засыхалі і адміралі. На жаль, рэанімаваць іх не ўдалося, нягледзячы на падкормкі і іншыя працэдуры.
— Адбіралі пробы глебы на асноўных праспектах і МКАД, вынікі даследаванняў паказалі, што зямлю перасалілі, — кажа спецыяліст. — Аднак гэта можна заўважыць нават простым вокам. На грунце ўсё яшчэ бачны белы налёт, гэта крышталі солі. Каб знізіць яе негатыўнае ўздзеянне на расліны, пасля зімы прамываем глебу, але з часам соль праступае на паверхні.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары