Лукашэнка заявіў, што ў Беларусі занадта шмат іпэшнікаў. Загадаў разабрацца з бізнэсам
На нарадзе з кіраўніцтвам Саўміна ён загадаў выпрацаваць дакладную сістэму, хто адносіцца да катэгорыі індывідуальных прадпрымальнікаў, чым яны будуць займацца, якія падаткі будуць плаціць.
«У нас хутка будзе індывідуальных прадпрымальнікаў 12 мільёнаў! У нас народу столькі няма! Мы стварылі каласальны афшор, дзе людзі нічога не плацяць, а ўжо ўсе індывідуальныя прадпрымальнікі — ад журналістаў (прыкладаў мора) да чыноўнікаў».
Ён таксама даручыў разабрацца з бізнэсам, які не плаціць падаткі.
Лукашэнка нагадаў пра сваё патрабаванне разабрацца з выплатамі зарплаты ў канвертах.
«Сістэма павінна працаваць так, каб нават найменшай перадумовы для выплаты заробкаў у канвертах не было, — падкрэсліў ён.
— Ведаю, што ў гэтым плане ідзе актыўная праца, але я хачу, каб бізнэсоўцы, прадпрымальнікі мяне пачулі, што мала потым не здасца і потым крыўдзіцца не трэба. Сыход ад падаткаў і ценявы абарот у сферы гандлю і паслуг недапушчальныя».
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
Каментары