Нелегальныя мігранты прыносяць у Літву і такія хваробы, як COVID-19. На гэты момант на COVID-19 хварэюць 49 мігрантаў, якія ізаляваныя на заставах. Яшчэ 71 хворы на COVID-19 мігрант размешчаны ў прыгранічных муніцыпалітэтах. Акрамя таго, зафіксаваны 21 выпадак каросты, піша Delfi.lt.

Віцэ-міністр унутраных спраў Сігіта Шчаевене не хавае, што становішча сур'ёзнае.
«Становішча сур'ёзнае, на заставах яны жывуць у намётах. Мы думаем, куды іх аператыўна перасяліць, каб не захварэлі памежнікі і іншыя мігранты», — сказала яна.
Шчаевене сказала, што ўсіх затрыманых спачатку тэстуюць на кавід.
Прадстаўнік Службы аховы мяжы Андрус Шантарас пацвердзіў сур'ёзнасць сітуацыі на заставах, дзе размяшчаюць не толькі здаровых, але і хворых на кавід — асобных памяшканняў на заставах няма.
Каментары