Літоўцы рапартуюць пра нуль затрыманых на мяжы, 250 чалавек прымусілі вярнуцца ў Беларусь
За мінулыя суткі на літоўска-беларускай мяжы колькасць затрыманых мігрантаў склала 0 чалавек, паведамляецца на статыстычным партале Літвы, перадае zerkalo.io.
За мінулыя суткі на літоўска-беларускай мяжы нікога не затрымалі, а прымусілі вярнуцца ў Беларусь амаль 250 мігрантаў. Двух чалавек упусцілі ў Літву па гуманітарных меркаваннях: жанчыне і непаўналетняму выклікалі хуткую дапамогу, у дзіцяці дыягнаставалі пераахаладжэнне.
З 3 жніўня Літва вяртае ў Беларусь нелегальных мігрантаў, якіх затрымліваюць на агульнай мяжы. Дзякуючы гэтаму колькасць выяўленых мігрантаў у Літве рэзка ўпала. У сераду літоўскія памежнікі затрымалі 19 чалавек, а выправадзілі больш за 300 мігрантаў. У чацвер — усяго 2 мігрантаў.
Да гэтага з канца чэрвеня колькасць затрыманых рэдка апускалася ніжэй за сотню.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары