Міністэрства ўнутраных спраў Літвы сцвярджае, што ў аўторак мела месца правакацыя з боку Беларусі, калі мяжу незаконна перайшлі і трапілі на тэрыторыю Літвы 12 беларускіх памежнікаў, піша Delfi.lt.
У адказ МУС заявіла, што павялічвае сваю прысутнасць на мяжы.
«Да такіх нахабных правакацый, калі 12 беларускіх памежнікаў сёння перасеклі мяжу Літоўскай Рэспублікі, мы не можам ставіцца памяркоўна. Неадкладна мы адрэагавалі на гэтую правакацыю і прынялі рашэнне дадаткова ўзмацніць ахову мяжы», — заявіла міністр унутраных спраў Агне Білатайце.
Паводле звестак МУС, у Шальчынінкайскім раёне прадстаўнікі сілавых структур Беларусі са шчытамі і ў экіпіроўцы для падаўлення беспарадкаў сілком выціснулі 35 мігрантаў і самі зайшлі на тэрыторыю Літвы.
Відэазапісам гэтага інцыдэнту ў аўторак увечары ў фэйсбуку падзялілася Служба аховы дзяржаўнай мяжы. Паводле звестак службы, беларусы самі апублікавалі, як група мігрантаў спрабуе трапіць у Літву, аднак змаўчалі, што мігрантаў у Літву цяснілі беларускія сілавікі.
«Менавіта беларускія сілавікі ў экіпіроўцы для падаўлення беспарадкаў выцясняюць мігрантаў з Беларусі на тэрыторыю Літвы, а затым і самі незаконна перасякаюць літоўскую дзяржаўную мяжу», — сцвярджае Служба аховы краю. «Пасля паўторных папярэджанняў супрацоўнікаў САДМ парушальнікі сышлі ў бок Беларусі», — адзначыла служба.
-
«Спыніць сітуацыю, калі людзі знаходзяцца на ўтрыманні дзяржавы ад самага прыезду». Ірландыя прапануе ўкраінцам «шчодрыя» выплаты за вяртанне дадому
-
Праз канфлікт з Папам Рымскім Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
-
У Томску знеслі помнік рэпрэсаваным: сярод іх былі дэпартаваныя з Беларусі палякі, а таксама беларусы, якіх прымушалі змяняць нацыянальнасць
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было59
Каментары