Былы капітан жаночай зборнай Афганістана па футболе папрасіла спартсменак выдаліць усе фотаздымкі і спаліць сваю форму
Халіда Попал, былы капітан, раіць футбалісткам прытрымлівацца мер засцярогі, пакуль улада ў краіне належыць талібам.
У інтэрв’ю з Капенгагена Халіда Попал заклікае спартсменак выдаляць усе сацсеткі, фотаздымкі і знішчаць футбольную форму для ўласнай бяспекі. Яны сцвярджае, што
ў мінулым баевікі забівалі, гвалцілі і закідвалі камянямі жанчын, таму невядома, што чакае футбалістак у будучыні.
Попал адзначыла, што заўсёды заахвочвала дзяўчат «быць моцнымі, смелымі і заўважнымі», але цяпер яна вымушаная выступіць з іншым пасылам.
«Сёння я званю спартсменкам і кажу, каб яны выдалялі любую інфармацыю пра сябе, каб спалілі форму нацыянальнай каманды. І гэта вельмі балюча рабіць мне, актывістцы, якая зрабіла ўсё магчымае, каб дзяўчаты мелі права гуляць і прадстаўляць нашу краіну», — сцвярджае Халіда Попал.
Падчас кіравання ў 1996-2001 талібы забаранялі жанчынам працаваць. Дзяўчынкам забаранялася хадзіць у школу, а жанчыны маглі выходзіць на вуліцу толькі ў паранджы ў суправаджэнні сваяка мужчынскага полу. Тых, хто парушаў правілы, публічна прыніжалі і збівалі, піша The Guardian.
Попал адзначыла, што футбол дазволіў жанчынам заняць цвёрдую пазіцыю ў адстойванні сваіх правоў, але цяпер спартсменкі напалоханыя, бо «баяцца, што ў любы момант за імі прыйдуць».
«Тое, што мы бачым — развал краіны, — мяркуе Халіда. — Усе намаганні, прыкладзеныя для пашырэння магчымасцяў афганскага народа, цяпер падаюцца пустымі».
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары