«Адчыніў дзверы, за валасы выцягнуў з машыны, нагой даў, б**». З’явіліся новыя злівы праслушкі сілавікоў
У інтэрнэт выклалі аўдыя тэлефоннай размовы, дзе гучаць галасы, падобныя да галасоў намесніка начальніка ГУУС Мінгарвыканкама Ігара Падвойскага і першага намесніка начальніка УУС Мінаблвыканкамі Віталя Казлова.
Падчас гутаркі абмяркоўваецца шэраг сітуацый, звязаных з пратэстамі ў Беларусі.
Ігар Падвойскі скардзіцца, што замучыўся, бо ў гэты дзень біў чалавек семдзесят раварыстаў і займаўся аўтамабілістамі, якія сігналілі.
Распавядае суразмоўцу, што калі жанчына-кіроўца запатрабавала ад сілавікоў патлумачыць ёй правы, ён падышоў, выцягнуў яе за валасы з машыны, ударыў нагой, а потым яшчэ і стукнуў галавой. Убачыўшы гэта, іншы пасажыр аўто сам пабег у бусік. З гэтага суразмоўцы смяюцца і анансуюць, што камусьці «заўтра дадуць ляшчоў».
Са слоў, меркавана, Падвойскага вынікае, што ў дзень размовы забралі каля дваццаці машын. BMWX6 узялі за пытанне кіроўцы: «У чым справа? Што, пасігналіць нельга?» «Нельга. І машыны ў цябе больш няма». Смех.
Падвойскі таксама распавядае пра свой даклад кіраўнікам сілавых ведамстваў, дзе быў і Раўкоў (тагачасны дзяржсакратар Савета бяспекі), і Вакульчык (тагачасны кіраўнік КДБ), і асабістыя размовы з ім, пасля якіх у яго «кашуля была мокрая».
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары