«Экстрэмісты падпальвалі школы». Міністр адукацыі расказаў, як у выбары «хісталі» школы
Міністр адукацыі Ігар Карпенка ў інтэрв’ю дзяржсмі расказаў, як «хісталі» школы да і пасля выбараў. Асноўны пасыл — стваралі працоўныя месцы для апазіцыі ў прыватных паўлегальных школах, не вялі выхаваўчую працу, называлі настаўнікаў «ворагамі». Прыводзім яго цытататы.
На думку Карпенкі, апазіцыя спрабавала выкарыстоўваць нелегальныя прыватныя школы ў палітычных мэтах, пашыраць сетку арганізацый па тыпе «коласаўскага ліцэя» без ліцэнзіі.
«Таксама пазбягалі кантролю, працуючы з дзецьмі па індывідуальных планах, фіктыўна замацоўваючы дзіця за замежнай адукацыйнай установай. Асобныя арганізацыі называлі сябе «школай», маючы пры гэтым арганізацыйна-прававую форму грамадскага ці рэлігійнага аб’яднання, ІП. Гэтыя схемы мелі на ўвазе заніжэнне падатковай базы і выплату ўзнагароды супрацоўнікам наяўнымі, у канвертах, а галоўнае — поўную адсутнасць выхаваўчай працы з дзецьмі і шырокія магчымасці для дэструктыўнай дзейнасці».
«Падзеі восені 2020-го паказалі, што менавіта сетка паўлегальных прыватных арганізацый спрабавалі выкарыстоўваць для стварэння паралельных адукацыйных структур, каб сысці ад кантролю і выхаваўчай працы, стварыць працоўныя месцы для актывістаў апазіцыі, якія не мелі педадукацыі, то-бок нейкі ўнутраны рынак адукацыйных паслуг «для сваіх».
«На працягу ўсёй інфармацыйнай кампаніі лета-восені 2020-га настаўнікаў называлі ў тэлеграм-каналах «ворагамі», «прыхільнікамі сістэмы». Экстрэмісты падпальвалі школы, неслі да іх пахавальныя вянкі, былі фэйкавыя паведамленні аб мініраванні будынкаў. У той жа перыяд узламвалі сайты ўстаноў сістэмы адукацыі, міністэрства масава падвяргаліся DDoS-атакам».
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза19
Каментары