На завяршэнне кансервацыі касцёла ў Будславе не хапае 400 тысяч рублёў
Пра гэта вялася размова на пасяджэнні канферэнцыі каталіцкіх біскупаў, што прайшло ў чацвер, піша catholic.by.
Пажар у Будславе здарыўся 11 мая
Першым пытаннем была справаздача старшыні камісіі Мінска-Магілёўскай архідыяцэзіі па справах ліквідацыі наступстваў пажару ў Будславе Аляксандра Яшэўскага.
Ад фізічных і юрыдычных асобаў ахвяравана 1.020.979 рублёў.
Яны былі выкарыстаны на аплату праектных і рамонтна-будаўнічых работ у касцёле, авансы падрадчыкам, экспертызы, закупку матэрыялаў і іншыя мэтавыя патрэбы.
Як зазначыў біскуп Яшэўскі, яшчэ не стае прынамсі 400.000 рублёў, неабходных на завяршэнне этапу ўступнай кансервацыі, які папярэднічае працы па грунтоўнай рэстаўрацыі.
Каментары