Ізраіль накрыла хваля кавіду. Краіна — адзін з лідараў па вакцынацыі
Кажуць, справа ў штаме «Дэльта».
Нягледзячы на высокія (60% насельніцтва) паказчыкі поўнай вакцынацыі, у Ізраілі зарэгістраваныя найвялікшыя ў свеце лічбы новых выпадкаў кавіду. Па даных на 1 верасня, колькасць заражэнняў у Ізраілі складае 1892 выпадкі на мільён чалавек. Гэта значна вышэй, чым колькасць заражэнняў у Манголіі, якая займае другое месца (1119), і ў Косава, што размясцілася на трэцім месцы ў спісе з 980 выпадкамі кавіду на мільён жыхароў.
Магчыма, што такія вялікія лічбы заражэнняў звязаныя з пашырэннем тэсціравання на кавід у сувязі з адкрыццём школ у Ізраілі. Але высокую колькасць захворванняў у краіне пачалі рэгістраваць яшчэ ў сярэдзіне жніўня, пры гэтым Ізраіль — адзін з сусветных лідараў па вакцынацыі, звяртае ўвагу Daily Mail.
Верагодная прычына новай хвалі кавіду — распаўсюд штама «дэльта», які вельмі лёгка перадаецца. Вакцыны абараняюць ад гэтага штама менш, чым ад астатніх варыянтаў віруса. Але вакцыны ўсё-такі абараняюць ад цяжкай формы хваробы.
Пачынаючы з ліпеня Ізраіль вакцынуе дадатковай дозай прышчэпкі людзей ад 60 гадоў, і ёсць інфармацыя, што гэта дапамагае знізіць колькасць пацыентаў з кавідам у шпіталях. Таму ўрад пашырыў праграму вакцынацыі на ўсіх грамадзян краіны, старэйшых за 12 гадоў.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары