Synesis, што трапіла пад санкцыі, ліквідуе адну з сваіх кампаній — «Сінезіс Фенікс»
Кампанія была адкрыта ў снежні 2018 года. Уласнікам з'яўляецца грамадзянка Беларусі Таццяна Лагойка, піша dev.by.
У профілі Synesis на расійскім рэсурсе tadviser.ru Таццяна Лагойка фігуруе як фінансавы дырэктар, а ў профілі ў каталогу by.kompass.com — як галоўны бухгалтар.
У Synesis адмовіліся расказаць, чым займалася «Сінезіс Фенікс» і чаму ліквідуецца.
Афіцыйная працэдура ліквідацыі кампаніі пачалася ў канцы верасня. Гэта можа быць звязана як з унутранымі працэсамі ўнутры Synesis, так і з санкцыямі ў дачыненні да кампаніі.
Больш падрабязна аб ліквідацыі і санкцыях.
Synesis трапіла ў трэці пакет санкцый ЕC у снежні 2020 года, а ў чэрвені гэтага года ў чацвёрты санкцыйны спіс ЕC трапіў і сузаснавальнік Аляксандр Шатроў.
І кампанія, і Шатроў будуць судзіцца з Радай ЕС. Акрамя таго, праз санкцыі Synesis перайменавала частку сваіх кампаній, а Аляксандр Шатроў перастаў быць асноўным уладальнікам «Сінезіс» спачатку ў Беларусі, а потым і ўласнікам кампаніі ў Расіі.
Каментары