Еўразійскі банк развіцця апублікаваў прагноз на наступны год: у Беларусі найгоршыя паказчыкі сярод краін-удзельніц
Еўразійскі банк развіцця (ЕАБР) апублікаваў прагноз эканамічных паказчыкаў краін-удзельніц банка на наступны год. Згодна з прагнозам, Беларусь чакае самы нізкі рост ВУП і самая высокая інфляцыя сярод 6 эканомік, якія ўваходзяць у ЕАБР.
Аналітыкі ЕАБР падвялі вынікі эканамічнага развіцця дзяржаў — удзельніц банка ў 2021 годзе. Паведамляецца, што эканоміка рэгіёна актыўна аднаўлялася пасля пандэміі. У цэлым па выніках года рост ВУП рэгіёна прагназуецца ў памеры 4%: у Арменіі — 4,5%, Беларусі — 2,1%, Казахстане — 3,8%, Кыргызстане — 3,7%, Расіі — 4,1%, Таджыкістане — 7,9%, піша onliner.by.
Пасля завяршэння актыўнай фазы росту «дынаміка будзе паступова набліжацца да збалансаваных тэмпаў», лічаць эксперты. Пры гэтым у Беларусі ў базавым сцэнарыи чакаецца мінімальны рост ВУП у 2022 годзе — на 0,7%. Параўнайце: для Расіі прагназуецца рост на 2,8%, для Казахстана — на 4,2%, Арменіі і Кыргызстана — 4,8 і 4,5% адпаведна.
Інфляцыя ў цэлым па рэгіёне павінна запаволіцца і выйсці на ўзровень 5,3% у 2022 годзе ў параўнанні з 8,2% у 2021-м. Адзначаецца, што ў Беларусі цяпер самая высокая інфляцыя ў параўнанні з іншымі краінамі-удзельніцамі банка — 10%. У наступным годзе яна павінна знізіцца да ўзроўню 7,4%.
Аналітыкі ЕАБР не прагназуюць істотных змяненняў курса даляра ў адносінах да нацыянальных валют у рэгіёне. Расійскі рубель у базавым сцэнарыі павінен нават злёгку ўзмацніцца — даляр можна будзе купіць за 72 рублі. Беларускі рубель аслабне, але шокавай дэвальвацыі эксперты не чакаюць. Чакаецца, што ў 2022 годзе курс у Беларусі спыніцца на ўзроўні 2,65 рубля за даляр.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным14
Каментары