Дзяржсакратар Рады бяспекі: СК прапаноўвае завочна прыцягваць грамадзян да крымінальнай адказнасці
На найбліжэйшым пасяджэнні Рады бяспекі прапануюць разгледзець ініцыятыву СК па завочным прыцягненні грамадзян да крымінальнай адказнасці, паведаміў у эфіры СТБ дзяржсакратар Рады бяспекі Аляксандр Вальфовіч.
— Чалавек здзейсніў тут злачынства, з'ехаў і спакойна жыве за мяжой. Па запыце праваахоўнага блока па палітычных матывах іх не выдаюць адтуль. Прапануецца ўвесці папраўкі ў закон, каб была магчымасць прыцягваць да крымінальнай адказнасці. Суд завочна прысудзіць да таго ці іншага пакарання ў залежнасці ад цяжару здзяйснення правіны. Вядома, ён будзе знаходзіцца за мяжой, вядома, яго не выдадуць. Але тое, што ён прысуджаны, напрыклад, да двух-трох гадоў пазбаўлення волі або да іншага тэрміну, які вызначыць суд, будзе, напэўна, накладваць адбітак, — сказаў Вальфовіч.
Паводле яго слоў, з такой ініцыятывай выступіў Следчы камітэт і яе падтрымаў Вярхоўны суд і Генпракуратура.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары