У судзе Савецкага раёна Мінска ў 10:30 пачнецца разгляд крымінальнай справы супраць двух палітзняволеных удзельнікаў гурта IRDORATH — Надзеі і Уладзіміра Калачоў.
Працэс будзе весці суддзя Аляксандр Якунчыхін.
Мужа і жонку абвінавачваюць паводле ч. 1 і 2 арт. 342 КК (арганізацыя дзеянняў, якія груба парушаюць грамадскі парадак, а таксама навучанне ці іншая падрыхтоўка асобаў для ўдзелу ў такіх дзеяннях) за музычныя выступы падчас масавых шэсцяў у Мінску ў жніўні 2020 года. За кратамі музыкі ўтрымліваюцца чатыры месяцы.
Удзельнікаў гурта затрымалі 2 жніўня на лецішчы, дзе яны святкавалі дзень нараджэння.
29 кастрычніка да трох гадоў «хіміі» асудзілі музыку з гэтага гурта Дзмітрыя Шыманскага, якога абвінавацілі па ч. 1 і ч. 2 арт. 342 Крымінальнага кодэкса. Пасля прысуду палітвязня вызвалілі ў зале суда. Ён у хуткім часе пакінуў Беларусь і цяпер працягвае займацца музыкай.
Каментары