Беларусь гатовая размясціць у сябе ядзерную зброю пры пагрозе з боку НАТА. Пра гэта заявіў міністр замежных спраў Уладзімір Макей у інтэрв'ю тэлеканалу RT Arabic, паведамляе БЕЛТА.
Уладзімір Макей звярнуў увагу, што НАТА шчыльна наблізілася да беларускіх межаў, пры гэтым ваенная актыўнасць альянсу і колькасць ваенных вучэнняў значна павялічыліся.
«Тое, аб чым заявіў Аляксандр Лукашэнка, што мы разглядаем магчымасць размяшчэння на тэрыторыі Беларусі ядзернай зброі, ‒ гэта адзін з магчымых адказаў на магчымыя будучыя дзеянні з боку Паўночнаатлантычнага альянсу на тэрыторыі Польшчы», — сказаў Макей.
Чыноўнік таксама адзначыў, што колькасць вайскоўцаў ЗША і НАТА, якія знаходзяцца на тэрыторыі Украіны, узрастае. Ён сказаў, што тое, што адбываецца ва Украіне, выкарыстоўваецца кіраўніцтвам Паўночнаатлантычнага альянсу для нарошчвання магчымасцяў у рэгіёне.
Каментары