У Расіі Google аштрафавалі на рэкордную суму — амаль 100 мільёнаў даляраў
Міравы суд у Маскве прызнаў кампанію Google вінаватай у паўторнай адмове выдаліць забароненую інфармацыю і ўпершыню ў Расіі прызначыў міжнароднаму IT-гіганту абаротны штраф у памеры больш чым 7,2 млрд расійскіх рублёў (гэта прыкладна 98 мільёнаў даляраў).
Гэтага патрабаваў Раскамнагляд, які раней выпісваў звычайныя штрафы Google, Facebook і іншым кампаніям.
«Пастановай міравога суддзі Таганскага раёна Масквы Google LLC прызнаны вінаватым у здзяйсненні адміністрацыйнага правапарушэння, яму прызначанае пакаранне ў выглядзе адміністрацыйнага штрафу ў памеры 7 221 916 235 рублёў 00 капеек», — паведамляе тэлеграм-канал маскоўскіх судоў. Гэта прыкладна 98 млн даляраў у эквіваленце.
Сума штрафу была разлічаная суддзёй, зыходзячы з прадстаўленых суду Раскамнаглядам даных аб памеры гадавой выручкі Google.
Паколькі размова ішла аб паўторным парушэнні, суд меў права прымяніць да кампаніі абаротны штраф — ад 5 да 10 працэнтаў выручкі за год, які папярэднічае году, у якім было выяўленае правапарушэнне. Выручка расійскай «дачкі» Google летась складала 85 млрд расійскіх рублёў.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары