Раённая бальніца прапануе за грошы прышчапіцца «Пфайзерам». Паспрабавалі запісацца на вакцынацыю
На сайце Гарадоцкай раённай бальніцы з'явілася аб'ява пра тое, што можна прышчапіцца еўрапейскай вакцынай ад каранавіруса. На выбар прапануюць Pfizer ці Moderna. За грошы.
«Вакцына будзе выдзяляцца Мінздароўя згодна з пададзенымі заяўкамі», — піша бальніца.
Для дарослых прышчэпка платная. Арыенціровачны кошт 40-60 рублёў.
«Наша Ніва» патэлефанавала ў бальніцу, каб запісацца на вакцынацыю.
«Усё адмяняецца, — адказала нам супрацоўніца. — Мы замаўлялі вакцыны. Але сёння старшая медсястра паведаміла, што нічога не прыйшло. Магчыма, і ў іншых раёнах замаўлялі».
Калі з'явіцца магчымасць прышчапіцца Pfizer, у бальніцы цяпер не бяруцца прагназаваць.
«Вы ж ведаеце, як у нас ўсё змяняецца», — уздыхнулі на тым канцы провада.
Чытайце таксама:«Спадзяюся, пятага разу не будзе». Беларусы, якія хварэлі на кавід тры і больш разы, расказваюць, як гэта
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары