Стаў вядомы лайфхак па ўладкаванні на работу, калі вы «палітычны»
Чытач «Нашай Нівы» расказаў нам займальную гісторыю ўладкавання сваёй блізкай сваячкі-пенсіянеркі на пасаду прыбіральшчыцы ў камунальную арганізацыю Мінска. Па словах чытача, каб працаваць ажно цэлай прыбіральшчыцай, на этапе сумоўя патрабавалася прадаставіць адрас сваіх сацыяльных сетак і нумара мабільнага тэлефона для аналізу.
Як тлумачаць «Нашай Ніве» кадравікі, гэта робіцца для таго, каб праверыць патэнцыйнага работніка праз адно з адгалінаванняў сумнавядомай базы «Беспорядки».
У гэтай базе ёсць гэтак званыя «лічбавыя ідэнтыфікатары» па нумары і адрасе сацыяльных сетак.
Чалавек мог трапіць туды па розных прычынах: праз удзел у ініцыятывах, праз апаратную ідэнтыфікацыю на акцыях пратэсту і гэтак далей. Калі дадзеныя кандыдата на работу ў дзярж. структуры знаходзяцца ў базе, то яго не бяруць. Нават прыбіральшчыкам.
Але ёсць лайфхак.
«Рэкамендацыя: стварыць новы акаўнт у сацыяльных сетках, які можна будзе паказваць, і адкрыць новы нумар тэлефона. Калі правяраюць толькі па гэтых ідэнтыфікатарах, то фармальна чалавека ў базе не будзе, нават калі ён ёсць, і такі клірынг ён пройдзе», — кажа нам кадравы работнік.
Чытайце таксама: У Гомельскім драматычным тэатры — кадравыя чысткі. Зноў праз «палітыку»
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары