Міліцыя Гомельскай вобласці за два летнія месяцы сабрала на незаконных пасевах маку і канапель больш за 20 тон.
Міліцыя Гомельскай вобласці за два летнія месяцы правядзення спецаперацыі «Мак» сабрала на незаконных пасевах раслін з утрыманнем наркотыкаў больш за 20 тон.
Мерапрыемствы аперацыі праходзяць у рэгіёне з 1 чэрвеня па 31 жніўня.
Як паведамілі БелаПАН у прэс‑службе УУС Гомельскага аблвыканкама, за чэрвень—ліпень выяўлена 276 незаконных пасеваў, з іх 115 — алейнага маку і 161 — канапель. Міліцыя зарэгістравала за два месяцы 125 злачынстваў, звязаных з незаконным абаротам наркатычных сродкаў і псіхатропных рэчываў. Незаконныя пасевы маку і канапель былі знішчаны на плошчы прыблізна 12 гектараў. Да прыкладу, у пачатку ліпеня ў вёсцы Колпень Лоеўскага раёна былі выяўлены і знішчаны пасевы канапель на плошчы тры гектары. Маса знішчанай наркасыравіны склала 300 кг. У Гомельскім раёне работнікі праваахоўных органаў пры дапамозе сельскагаспадарчай тэхнікі знішчылі прыкладна тры тоны канапель.
Як паведамляе прэс‑служба, асноўная маса канфіскаваных у вобласці наркотыкаў — расліннага паходжання пераважна мясцовай вытворчасці. Рэгістрацыя хворых на наркаманію адзначаецца практычна ва ўсіх раёнах. Паводле звестак Гомельскага абласнога наркалагічнага дыспансера, на ўліку знаходзяцца 1.702 наркаманы.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары