Milicyja Homielskaj vobłaści za dva letnija miesiacy sabrała na niezakonnych pasievach maku i kanapiel bolš za 20 ton.
Milicyja Homielskaj vobłaści za dva letnija miesiacy praviadzieńnia śpiecapieracyi «Mak» sabrała na niezakonnych pasievach raślin z utrymańniem narkotykaŭ bolš za 20 ton.
Mierapryjemstvy apieracyi prachodziać u rehijonie z 1 červienia pa 31 žniŭnia.
Jak paviedamili BiełaPAN u pres‑słužbie UUS Homielskaha abłvykankama, za červień—lipień vyjaŭlena 276 niezakonnych pasievaŭ, ź ich 115 — alejnaha maku i 161 — kanapiel. Milicyja zarehistravała za dva miesiacy 125 złačynstvaŭ, źviazanych ź niezakonnym abarotam narkatyčnych srodkaŭ i psichatropnych rečyvaŭ. Niezakonnyja pasievy maku i kanapiel byli źniščany na płoščy pryblizna 12 hiektaraŭ. Da prykładu, u pačatku lipienia ŭ vioscy Kołpień Łojeŭskaha rajona byli vyjaŭleny i źniščany pasievy kanapiel na płoščy try hiektary. Masa źniščanaj narkasyraviny skłała 300 kh. U Homielskim rajonie rabotniki pravaachoŭnych orhanaŭ pry dapamozie sielskahaspadarčaj techniki źniščyli prykładna try tony kanapiel.
Jak paviedamlaje pres‑słužba, asnoŭnaja masa kanfiskavanych u vobłaści narkotykaŭ — raślinnaha pachodžańnia pieravažna miascovaj vytvorčaści. Rehistracyja chvorych na narkamaniju adznačajecca praktyčna va ŭsich rajonach. Pavodle źviestak Homielskaha abłasnoha narkałahičnaha dyspansiera, na ŭliku znachodziacca 1.702 narkamany.
Kamientary