Найстарэйшы цэментны завод Беларусі не прызналі помнікам архітэктуры. Цяпер яму пагражае знос
Будынкам цэментнага завода ў Краснасельскім (Ваўкавыскі раён) адмовілі ў наданні статусу гісторыка-культурнай каштоўнасці. Пра гэта паведаміў тэлеграм-канал «Спадчына». Цяпер будынкам былога завода пагражае знос.
Члены абласнога савета па пытаннях гісторыка-культурнай спадчыны 21 снежня выязджалі ў Краснасельскі. Там яны агледзелі будынкі, сустрэліся з прадстаўніком уласніка («Краснасельскбудматэрыялы») і правялі выязное пасяджэнне. У выніку ўнесці комплекс у спіс спадчыны адмовіліся.
Абласны савет ужо разглядаў пытанне завода ў Краснасельскім 23 лістапада. Тады аўтары прапановы атрымалі адказ: дапрацаваць матэрыялы.
Завод збудавалі ў 1914 годзе з элементамі стылю паўночнага мадэрну. Яго ўзвялі каля радовішча крэйды пад вайсковыя патрэбы перад Першай сусветнай. Цэмент спатрэбіўся на пабудову 13 фартоў і 30 апорных пунктаў Гродзенскай крэпасці. Завод зачынілі ў канцы 90-х. Ён быў афіцыйна абвешчаны закрытай зонай у сувязі з аварыйным станам.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары