Робаты, якіх завуць Том, Дзік і Гары, былі распрацаваны кампаніяй Small Robot Company ў дапамогу фермерам, каб тыя маглі знішчаць пустазелле з мінімальным выкарыстаннем хімікатаў і цяжкай тэхнікі, расказвае CNN.
Стартап працуе над знішчальнікамі пустазелля з 2017 года, а ў красавіку мінулага года запусціў свайго першага камерцыйнага робата Тома, які цяпер працуе на трох брытанскіх фермах. Астатнія робаты ўсё яшчэ знаходзяцца на стадыі прататыпаў і праходзяць выпрабаванні.
Распрацоўшчыкі кажуць, што робат Том можа сканаваць 20 гектараў у дзень, збіраючы звесткі, якія затым выкарыстоўваюцца Дзікам, робатам для догляду пасеваў, для знішчэння пустазелля. Затым надыходзіць чарга робата Гары — ён саджае насенне ў ачышчаную ад пустазелля глебу.
Па словах кампаніі, выкарыстоўваючы поўную сістэму робатаў-памочнікаў, фермеры могуць скараціць выдаткі на 40% і выкарыстанне хімікатаў да 95%.
Паводле звестак Харчовай і сельскагаспадарчай арганізацыі ААН, аб'ём рынку гербіцыдаў складае каля 7 мільярдаў даляраў у год. Мільёны тон гэтых атрутных рэчываў штогод трапляюць у глебу.
Стартап заяўляе, што сабраў на свае распрацоўкі больш за 9,9 мільёна даляраў, а запусціць сваю поўную сістэму робатаў спадзяецца да 2023 года.
Як працуе робат для праполкі? «Ён пускае ток, які праходзіць праз карані расліны ў глебе, а затым назад, што цалкам знішчае шкодную расліну, — кажа Скот-Робінсан, сузаснавальнік і генеральны дырэктар Small Robot. — Такім чынам мы можам падысці да кожнай асобнай расліны, якая пагражае культурным раслінам, і прыбраць яе».
«Вядома, гэта пакуль не так хутка, як калі б вы палівалі ўсё поле гербіцыдам, — кажа ён. — Але вы павінны мець на ўвазе, што нам трэба накіроўваць робата толькі ў тыя часткі поля, дзе ёсць пустазелле».
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя4
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары