Прэзідэнт літоўскай асацыяцыі экспедытараў і лагістаў: Трэба вельмі сур'ёзная прычына, каб не даць беларусам вазіць калій праз Літву
Прэзідэнт Літоўскай нацыянальнай асацыяцыі экспедытараў і лагістаў Lineka Эдмундас Даўкантас кажа, што, калі абапірацца на Канвенцыю аб міжнародных перавозках па чыгунцы, то патрэбная вельмі сур'ёзная прычына, каб не даць дазвол ахвотным вазіць грузы праз Літву, піша delfi.lt.
«Не надта шмат тэхнічных і юрыдычных магчымасцяў гэта забараніць ці не дазволіць. Калі перавозчык не крымінальны злачынца або не прадпрыемства, якое знаходзіцца пад санкцыямі, і просіць (дазволу) прадастаўляць паслугу на тэрыторыі Літвы, то Літоўская чыгунка практычна можа рэгуляваць транзіт толькі цэнамі, але каб сказаць «не» — на гэта патрэбная вельмі салідная прычына»,
— сказаў Эдмундас Даўкантас.
Перад гэтым Літоўская чыгунка інфармавала «Беларуськалій» аб пастанове ўрада скасаваць з 1 лютага падпісаную ў 2018 годзе і дзейную да канца 2023 года дамову, паводле якой у год перавозіцца каля 11 млн тон угнаенняў. Кампанія таксама была пастаўленая ў вядомасць, што заяўкі на перавозку яе грузаў з 1 лютага па гэтай дамове не будуць узгодненыя.
21 студзеня група кампаній «Літоўскія чыгункі» паведаміла, што да яе звярнуліся тры беларускія кампаніі, якія не знаходзяцца пад санкцыямі, з прапановай аб перавозцы беларускіх калійных угнаенняў. Сярод гэтых прадпрыемстваў — даччынае прадпрыемства «Беларуськалія» «Беларуская калійная кампанія», а таксама кампаніі «Белінтэртранс» і «Белкалій-МІГАО».
Перад тым, як прыняць рашэнне, Літоўская чыгунка звярнулася ва ўрадавую камісію па праверцы здзелак стратэгічных прадпрыемстваў.
Чытайце таксама:
Літоўская чыгунка атрымала просьбы аб перавозцы калійных угнаенняў ад трох беларускіх кампаній. Цяпер думае, што рабіць
Літоўская чыгунка: скасаванне кантракта на пастаўку беларускага калію не азначае спынення транзіту ўгнаенняў
«Гэта быў асноўны лагістычны калідор». Як цяпер «Беларуськалій» будзе пастаўляць прадукцыю на экспарт?
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары