Беларусь пачала аварыйныя пастаўкі электраэнергіі ва Украіну. Яны будуць ісці на працягу дня 25 студзеня.
«Прадастаўленне электрычнай магутнасці ажыццяўляецца па запыце ўкраінскага боку 25 студзеня з 11.00 да 18.00 у рамках двухбаковага дагавора аб аказанні аварыйнай дапамогі», — гаворыцца ў паведамленні Мінэнерга Беларусі.
Паводле звестак беларускага боку, максімальная магутнасць складзе 150 МВт.
25 студзеня з-за аўтаматыкі быў адключаны 1-ы энергаблок Хмяльніцкай АЭС. Таксама з-за разгерметызацыі трубаправода чакаецца спыненне энергаблока №4 Запарожскай АЭС.
РБК-Украіна нагадвае, што думкі украінцаў адносна куплі электраэнергіі ў Беларусі падзяліліся. 32,4% рэспандэнтаў лічаць, што гэта неабходна, каб пазбегнуць адключэнняў. З іншага боку, 33,5% лічаць гэта небяспечным, бо Беларусь і Расія ўтвараюць сумесную Саюзную дзяржаву, а яшчэ 9,8% лічаць гэта недапушчальным, улічваючы тое, што гэта з'яўляецца падтрымкай рэжыму Аляксандра Лукашэнкі. Пры гэтым, чвэрць рэспандэнтаў (24,3%) не змаглі вызначыцца са сваім меркаваннем.
Каментары