Вярхоўны суд Крыма прысудзіў да 12 гадоў калоніі строгага рэжыму грамадзяніна Украіны Канстанціна Шырынга па абвінавачванні ў шпіянажы.
«Прысуд Вярхоўнага суда Рэспублікі Крым <…> агенту Галоўнага ўпраўлення разведкі Міністэрства абароны Украіны, грамадзяніну Украіны Шырынгу Канстанціну Сямёнавічу, 1960 года нараджэння, набыў законную сілу» — паведамілі ў ФСБ.
Шырынг быў затрыманы ў Крыме ў сакавіку 2020 года, па версіі спецслужбы, ён займаўся шпіянажам у інтарэсах украінскай ваеннай разведкі.
Паводле версіі следства, 60-гадовы грамадзянін Украіны Шырынг, які прыехаў у Крым з Запарожжа ў 2015 годзе, «пераканаў» сваю грамадзянскую жонку Таццяну Кузьменка перадаваць яму звесткі аб месцы яе працы, 18-м гвардзейскім зенітным ракетным Севастопальска-Феадасійскім палку, штаб якога дыслакуецца ў Феадосіі.
Жанчына служыла там прапаршчыкам і паведамляла Шырынгу, паводле следства, звесткі аб колькасці асабістага складу палка, месцах яго дыслакацыі і ўзбраенні.
Каментары