На Зімовых Алімпійскіх гульнях у Пекіне прайшлі першыя спаборніцтвы, на якіх разыгрываўся камплект медалёў — скіятлон 7,5 + 7,5 км у жаночых лыжных гонках. Пераможцай стала нарвежка Тэрэза Ёхаўг.
Тэрэза Ёхауг — ветэран лыжных гонак, вельмі заслужаная і тытулаваная спартсменка. Ёй 33 гады, а ў эліце лыжнага спорту яна ўжо 15 гадоў. Першы медаль чэмпіяната свету, бронзавы, яна заваявала яшчэ ў 2007 годзе ў японскім Сапара. А пасля таго на чэмпіянатах свету ў яе ажно 14 перамог, з іх 4 — на мінулагоднім чэмпіянаце ў нямецкім Оберстдорфе.
Перамагала Ёхауг і на Алімпіядзе — у далёкім 2010 годзе ў канадскім Ванкуверы ў складзе эстафетнай чацвёркі. Акрамя таго, яна ўладальніца серабра і бронзы з алімпійскага Сочы-2014.
Серабро і бронза пекінскага скіятлона — у расіянкі Наталлі Няпраевай і аўстрыйкі Тэрэзы Штадлобер.
Чытайце таксама:
Антыкавідныя захады, мора святла і пратэсты каля кітайскай амбасады. Якім мы запомнім адкрыццё пекінскай Алімпіяды ФОТА
Кавід, канцлагеры, эканамічны крызіс, дыпламатычны байкот і расійска-ўкраінскі канфлікт. Свет з трывогай чакае пекінскай Алімпіяды
Гонар за фрыстайл і біятлон ды гульні пад БЧБ. Як раней Беларусь выступала на зімовых Алімпіядах і чаго чакаць цяпер?
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары