«У 2020 годзе ім паступала вялізная колькасць пагроз». Цэнтрвыбаркам усё ж засакрэціў спіс чальцоў участковых камісій
Участковыя выбарчыя камісіі сфармаваныя да 6 лютага. Звычайна пасля гэтага спісы іх членаў вывешваліся на сайтах адміністрацый раёнаў. Аднак сёлета гэтага не адбылося. На мінулым тыдні чытачка «Нашай нівы» званіла на гарачую лінію ЦВК і ёй абяцалі, што спісы вось-вось з'явяцца. Таксама на мінулым тыдні па сеціве разляцеліся крынжовыя відэа ад удзельнікаў выбарчых камісій. «Мы не баімся», — казалі яны. Нават нягледзячы на такія заявы ЦВК вырашыў не апублічваць спісы членаў участковых камісій, што супярэчыць дзейнаму заканадаўству.
Чытачка «Нашай Нівы» патэлефанавала на гарачую лінію Цэнтральнай выбарчай камісіі і даведалася, чаму там прынялі такое рашэнне. Вось што ёй адказалі:
«Вы можаце прыйсці ва ўчастковую камісію і пабачыць тых людзей, якія будуць гэтым займацца. У адкрытым доступе гэтыя даныя не будуць публікавацца ў сувязі з гарантаваннем бяспекі ўдзельнікаў камісій, бо ў 2020 годзе падчас выбараў ім паступала велізарная колькасць пагроз. Са спісамі ўдзельнікаў рэферэндуму вы можаце азнаёміцца на сваім участку».
Нагадаем, што згодна з артыкулам 34 Выбарчага кодэкса Беларусі, публікацыя імёнаў усіх чальцоў выбарчах камісіяў абавязковая. У гэтым годзе гэтага вырашылі не рабіць нягледзячы на дзейны закон. На гэты момант ёсць толькі адрасы тэрытарыяльных камісій і нумары тэлефонаў.
Чытайце яшчэ:
«Перш за ўсё — паказаць, як шмат людзей не згодныя з дзеяннямі ўлады». Павел Лібер пра планы «Голасу» на рэферэндум
Мінчанка паскардзілася на занадта вялікі выбарчы ўчастак. Чыноўнікі толькі развялі рукамі
Чаму рэферэндум ужо цяпер можна лічыць несапраўдным
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары